'Thin Places'

In die Keltiese Spiritualiteit bestaan daar vir die mense iets soos 'Thin Places' - plekke waar daar 'n fyn bymekaarkoms van twee wêrelde, of twee realms, is. Michael Mullin skryf bv. oor die Croagh Patrick ('n heilige berg in Ierland) "On this arid summit, where the winds blow hard, where no root takes hold, where distance seems infinite and heaven close, the spirit is tested and replenished ... for the pilgrim has reached a thin place, where one steps into the highest dimension of one's existence."

Dit klink dalk vir jou 'n bietjie airy-fairy maar op 'n manier beoefen ons almal hierdie beginsel dat daar plekke, ruimtes, tye is waar ons meer bewus word van God se teenwoordigheid. Party van ons sal selfs woorde gebruik soos 'Ek was nader aan God...in hierdie tyd...God was regtig hier teenwoordig...' en dan praat ons in elkgeval van plekke, tye en gebeure met 'n baie spesifieke aard of karakter.

Mindie Burgoyne skryf die volgende om dié Keltiese gedagte verder te probeer verstaan "Thin Places are ports in the storm of life, where the pilgrims can move closer to the God they seek, where one leaves that which is familiar and journeys into the Divine Presence. They are stopping places where men and women are given pause to wonder about what lies beyond the mundane rituals, the grief, trials and boredom of our day-to-day life. They probe to the core of the human heart and open the pathway that leads to satisfying the familiar hungers and yearnings common to all people on earth, the hunger to be connected, to be a part of something greater, to be loved, to find peace." Ek het nog altyd (van baie klein af) van hierdie gedagte gehou en dit het al baie in my lewe vir my in sekere tye so gewerk: Daar is plekke (meestal afgesonderde natuurskoon) wat die heilige teenwoordigheid van God bevat: plekke waarbinne ek die genesende asmehaling kon beleef in my seer, twyfel, soeke... Was God dan meer op hierdie plekke as op ander plekke in my lewe?

Bestaan daar dan regtig iets soos Thin Places? Vir my was die ontdekking: Nee, daar bestaan nie regtig iets soos Thin Places nie. Daar bestaan wel 'n sekere bewussyn van God se teenwoordigheid wat soms binne sekere omstandighede en op sekere plekke meer akuut is. Die gevaar van 'n spiritualiteit wat so aanmekaar gesit is (en almal van ons gaan een of ander stadium deur hierdie fase in ons geloof) is dat jou geloof tot 'n sporadiese plek of ritueel of denke of lewensfaset beperk word en dit word as't ware van die res van jou lewe geskei. My hoop op die koninkryksgeloof as leefstyl is, om meer gereeld met hierdie 'bewus wees van God' te leef en dan in alles en oral. Ek wil sien wat die Serafs in Jes 6:3 sien "Heilig, heilig, heilig is die Here die Almagtige! Die hele aarde is vol van sy magtige teenwoordigheid." Regdeur die Bybelse vertellings is die plekke waar mense bewus word van God se teenwoordigheid - transformasie-ruimtes. Die hoop is dus om voortdurend transformerend deur die Gees te kan leef en meestal is hierdie transformasie die eenvoudige medemenslikheid van die vrug van die Gees (Gal 5:22 ev) en niks 'spiritual' soos ons meeste van die tyd daaroor wil dink nie.

'n Voetnota: Ek dink die mens van die laaste eeu (en dit word m.i. eksponensieel ereger) is uitermatig verveeld en daarom probeer ons dikwels vanuit 'n geloofsdimensie die (heilige) alledaagse opkikker met airy-fairy namaaksels van transenderende kragte en magte - terwyl Jesus in Sy oorsteek van al die grense iets van 'n aardse-heiligheid aan ons kom openbaar het...

tyd, tonnels en perdemis

Ek het nog nie tyd gehad vir behoorlik skryf vandag nie...ek is sedert 8.00 vanoggend saam met Paul (foto van sy tonnel hier links) aan die rondry en organiseer aan die groente-tonnels wat ons volgende naweek saam met 'n paar mense wil oprig. Projek 1: By Hannah's Home ('n kinderhuis vir VIGS-wesies) en Projek 2: By Cosmo Christina Centre (die gemeente waar oom Jos leraar is).

Ons het by Cosmo City begin deur saam met Gift (die terreinopsigter van Zimbabwe) te besin oor hoe groot en waar die tonnels die beste sal werk. Gift het reeds 'n goeie groentetuin aan die gang en verkoop al kool aan die plaaslike mense. Ons hoop om twee tonnels van 15x4meter te gaan oprig saam met die FGK en Cosmo Christian Centre se gemeenterade as 'n kenmekaar en spanbou geleentheid.

Daarna was dit planne optrek en bou-materiaal bereken in die hoop op 'n ordentlike voorlegging en moontlike borgskappe.

Jy kan egter die wonderlikste tonnel-struktuur oprig maar die groei-krag lê grotendeels in die grond en Hannah en Cosmo se grond kort bietjie vertroeteling: Dankie aan die Raubenheimers (oom Naas & Tannie Hermien, Madelein & Johan) by wie ek 'n bakkievrag perdemis kon gaan oplaai....

Ek kan lank hierop uitbrei...dat die koninkryk hopelik so tussen stories, mis-aanry en PVC-konstruksies sal kom...Wat ek eintlik wil doen is om jou uit te nooi: Saterdag 29 Aug gaan ons na Hannah's Home om die harde werk van die grondvoorberei te doen - ons vertrek 8.00 vanaf die kerkgebou. Dit sal wonderlik wees as jy wil kom saamwerk. Hannah se stories, haar liefde vir die kinders en haar ewige glimlag raak jou op plekke wat jy al vergeet het in jou hart bestaan. Ons gaan pik-slaan, omspit, sweet...en mekaar en die kinders ontmoet...en hopelik as ons mooi kyk die koninkryk sien kom...

Laat weet indien jy wil deel word van hierdie storie!!!! Laat weet indien jy dalk weet van 'n makliker patent om grond te eg of iets?!!! pieterr@fontainebleau.ws

Moeder Teresa se lewe & U2 se musiek: 'Grace'!!!

Hierdie is aangrypende video-materiaal wat soveel dieper as net die wonder van Bono se woorde sny...gedagtes van Moeder Teresa met die musiek van U2 vervleg...


Moeder Teresa se lewe & U2 se musiek! Aangrypend!

Bewegings op die Offbeat

Waar ons hierdie week reflekteer oor hoe ons voor God beweeg - m.a.w voor Sy aangesig leef - bly die uitdagende wanneer ons die Offbeat sporadies begin herken dat ons op 'n manier ook volgens hierdie ritme sal begin leef...soos Sweet dit stel "Disciples of Jesus are deviations of the norm. They mess up the world as it is, drawing outside the lines, thinking outside the box, resisting off-the-shelf solutions. Christians simply can't 'do normal.' Once you become a disciple of Jesus, normal isn't good enough anymore. Christians are part of the wisdom of the world that is to come."

Mag jy saam met my ontdek (as jy eerlik genoeg met jouself is!) hoe jou volg van Jesus, jou prentjie van Jesus en van geloof getoonset is volgens die hoofstroom-melodie van ons tyd en dat hierdie melodielyn meestal anders klink as die evangelie se musiek. Mag jy ontdek dat die wonderlike geloofsbegrippe soos: seën, voorspoed, verlossing, sonde, geloof, hemel, hel, gebed, gawes, doop... alles getoonset is deur die melodielyn van ons tyd; dat ons die gevaar loop om totaal selfversekerd heeltemal uitpas met God se beweging voort te dans asof daar geen ander ritmes rondom ons bestaan nie.

Ek weet nie van jou nie maar hierdie offbeat ritme is vir my vrek moeilik en ek het meestal die wonderlikste ontdekkings en redenasies hieroor - nogal vanuit die evangelie - maar om daarby aan te sluit...dit gebeur nie so maklik nie...daar is net te veel op die spel en daarom sal ek veel eerder wat my leefstyl betref God se ritme en wese toonset om aan te pas en in te pas by 'n ritme wat vir my hanteerbaar is en mooi agtergrondmusiek in MY lewe is.

Ek wonder waarmee sal julle die hoofstroom melodielyn van ons tyd beskryf? Laat weet gerus...ek praat nog te veel alleen hier...

Melodielyn van ons tyd • Offbeat van ons tyd 2

Kom ek probeer weer...

Wanneer ons dan nou ontdek dat God nog altyd die offbeat ritme op hierdie melodielyn/wysie van die mens se verwagting is, het ons dalk nodig om te vra hoe hierdie offbeat - hierdie tussen-in-ritme - klink. Dit is noodsaaklik om 'n oor en 'n oog en 'n hart te ontwikkel vir hierdie offbeat - want ek dink ons mis God selfs in ons geloofslewens omdat die klankbesoedeling van die hoofstroom melodielyn so oorverdowend geword het dat ons selfs die offbeat met parade-simbale, olimpiese-trompette, spitsverkeer-toeters en triomf-vuvuzela's kom inspeel het in 'n ritme waarop ons graag sou verkies dat God moes beweeg.

Ons moet mooi hoor dat God nie van die wysie af is nie! Hy is wel die anderster, tussen-in ritme wat die musiek van alledaagsheid 'n nuwe kleur en betekenis kom gee. Hy is die Gans-Anderse! Een ding wat vir my al meer na vore kom in die evangelies is dat Jesus meer misverstaan as reg verstaan is. Dit is asof mense net nie hierdie vreemde ritme, die andersheid, van Jesus kon snap nie...Daarom moet ons versigtig om nie soos Petrus op te spring asof die ritme van God so ooglopend duidelik is nie...

In ons tyd is ons al so deursuur van ons kultuur dat ons dit nie eens altyd meer agterkom hoe ons die evangelie mis-vertaal in ons hedendaagse leefstyl nie. Doen jouself 'n guns en gaan maak 'n draai by CUM-boeke of LuxVerbi of enige ander boekwinkel met Christelike lektuur: Kyk hoeveel die titels van populêre boeke van die groter storielyn van die Evangelie (en die grootste dele van die Ou Testament) verskil. Kyk hoe teksversies oor sukses, mag, voorspoed, seën...in lyn met die melodielyn van die boeke op die self-help of pop-psychology rakke invertaal word nie... Blaai deur die laaste jaar se Leef-tydskrif en ander geestelike tydskrifte en kyk hoe die voorbladopskrifte aansluit by dieselfde melodielyn van die Fortune, Sarie, Rooi Rose, Mens Health, Shape, Cosmopolitan...tydskrifte. Dalk klink dit 'n bietjie hard gestel, dus laat ek dit vir jou om te oordeel en hopelik sal jy iets van die offbeat begin herken deur die offbeat-voorbeelde wat soos 'n goue draad deur die Evangelies loop.

Leonard Sweet het 'n kort opsomming van sommige van die offbeat slae soos ons dit in die Goeie Nuus Stories hoor - ek tik dit net so uit sy boek 'Jesus drives me crazy' Kyk of jy dalk enige populêre Christelike lektuur kan opspoor met hierdie 0ffbeat-lyn in die titel, inhoudsopgawe of tussen die blaaie (daar is sulke offbeat-boeke, nie op die top10 rakke nie...maar daar is soms 'n paar versteektes):

"The Lifted Up One, the One who sits high and walks low, taught that the thoroughfare to God is full of bypaths and backroads.

The way up is down.

The way in is out.

The way first is last.

The way of success is service.

The way of attainment is relinquishment.

The way of strength is weakness.

The way of security is vulnerability.

The way of protection is forgiveness (even 70x7).

The way of life is the way of death - death to self, society, family.

Know your strengths. Why? Because that's the only way you can Lay Them Down!

God's power is made perfect...where? Im our weakness.

Want to get the most? Go to where the least is.

Want to be free? Give complete control to God.

Want to become great? Become least.

Want to discover yourself? Forget your self.

Want honor? Honor yourself with humility.

Want to get even with enemies? Bless and love them.

To a world obsessed with power, the gospel is nuts.

To a world obsessed with success, Jesus' teaching is nuts."

Hoe dink jy sal jou werkgewers of werknemers reageer wanneer julle hierdie paar dromslae van die evangelie as jul bedryfswaardes vestig? 'Dis absurd!' hoor ek jou gedagtes mompel...en jy's heeltemal reg: Dis bo-natuurlik! (veral wanneer dit wat natuurlik is menslik is)

'Mag ons in pas kom, Here, in pas met U lewegewende ritme wat so vreemd op die oor val.'

Melodielyn van ons tyd • Offbeat van ons tyd

Hoe sou jy die hoofstroom of die melodie-lyn (die wysie) van vandag se samelewing beskryf ?

Indien jy nie paragrawe kan skryf om ons leefwêreld hier in Suid-Afrika (of nog nader hier in Randburg) te beskryf nie, watter treffers verklap volgens jou iets van die melodielyn van ons tyd? 'I did it my way'; 'It's my life'; ''Another one bites the dust'; 'We are the champions'; of ABBA is mos nou weer 'n hit 'Crazy world', 'Dream world', 'Gimme!Gimme!Gimme!', 'I'm a marionette'...; dalk is daar 'n paar afrikaanse treffers wat jy kan onthou wat die hoofmelodielyn vir jou beskryf...al waaraan ek kan dink is 'Wenners!' van Danie Botha of Johnny Clegg&Savuka se 'Cruel, crazy, beautiful world'

Wanneer ons dan nou ontdek dat God nog altyd die offbeat ritme op hierdie melodielyn/wysie van die mens se verwagting is, het ons dalk nodig om te vra hoe hierdie offbeat - hierdie tussen-in ritme - klink. Ons moet mooi hoor dat God nie van die wysie af is nie - Hy is wel die anderste tussen-in ritme wat die musiek van alledaagsheid 'n nuwe kleur gee. Een ding wat vir my al meer na vore kom in die evangelies is dat Jesus meer misverstaan as verstaan is. Dit is asof mense net hierdie vreemde ritme, die andersheid, van Jesus kon snap nie...

ek moet hardloop en gou die kinders gaan versorg...sal hopelik weer teen 18:00 kan blog want ek is lank nie klaar hieroor gedink nie...

Ontwakende Komponis

Miskien maak woorde nie vir jou sin nie. In hierdie bekende bemarkingsvideosnit van Suid-Afrika dwaal die wakker gesiggie van 'n afrika-kind deur die alledaagsheid en word sy wakker vir die ritme rondom haar. Soos wat sy wakker word vir hierdie tussen-in ritme begin sy as't ware daarmee te komponeer en vloei al die klanke saam tot 'n simfonie van eiersoortigheid.

Dalk is dit al wat ons roeping is: om wakker te word vir die off-beat ritme van God se beweging tussen al die geraas wat ons doof maak vir die lewe; wanneer ons hierdie klanke begin herken word ons geroep om daarmee te komponeer todat al die klanke uiteindelik saam 'n simfomie van lewe vorm. Mag jy wakker word vir die vreemde ritme van God...en mag jy komponeer!

Kunswerk2: 'n Gedig oor die TROJAK

ek sal nog die outeur van die gedig soek en dit hier byvoeg...maar inlyn met vandag se TROJAK ('n antieke metafoor van die 3-eenheid) 'n gedig wat dit besing:

Perichoresis
O elegant and gentle Leader of the dance,
we do not know the meaning of each step
nor how to rightly turn this way or hold this pose.
Each spinning step or angled movement’s twist
does sometimes give us vertigo here where we stand;
this mystery of how the rhythm’s pulse
and how the music’s lilt are tuned to only You
has caught us up, and we are overwhelmed.

O grace-filled, grace-bestowing Leader of the dance,
please teach me how to twirl and how to move;
please teach me how the song pervades each dancer’s form,
these dancers who have learned to dance with You
throughout the ages of the song, the holy song
You sang in ages past to Abraham,
to Isaac and to Jacob and his Hebrew seed:
Now sing to me and give me, too, this life.

O Leader of the dance, this perfect partnership
of Leader and of led, of God and man,
this Incarnation’s holy dance we see in You,
You now invite us to accompany.
This awesome dance, a truly cosmic synergy,
the interpenetration of us men
with Deity — with Trinity! — the universe
beholds and stands amazed and bows its head.

O holy Leader of this cosmic circling dance,
the union of both man and God is here
and imaged in the holy mystery of life
conjoined, a woman and a man conjoined.
He takes Your role as gentle leader, she as Church,
she follows him, and he must die for her;
their dance together joins the dance eternal now,
and in that human dance we see our God.

O Holy Trinity, Your dance eternal now
descends on us and consecrates our own,
the revelation here as Body and as Blood;
herein we taste the God become a man,
and men become as gods as David prophesied.
The Trinitarian rhythm has become
our own, to guide our dance, to grasp our hands and lead
us in the dance of stillness perfectly.

Kunswerk 1: 'n Gedig

EKSTASE – NP van wyk Louw

Gedagte is ek van Gods vlammende siel,
en woord van Sy mond,
lied van Sy hart se liefde en haat,
en daad van Sy wil.
Hy’t my gedink soos die sterre
en ons geskep na Sy droom,

ons wat die klank van Sy lag is,
van helder weige blydskap.
Ek vloei in Hom, vloei in Sy wydheid
soos ‘n stroom in die oseaan;
en soos geur in die blomme lewe,
leef ek in Hom:
ek is Hy, Hy ek,
grensloos in ewigheid.

Gegryp deur die Onbegryplike

[Teen die tyd het jy hopelik nou-al agtergekom hoe die blog werk: Dit is eenvoudig 'n klompie los gedagtes in lyn met die dag/week tema wat vanuit verskillende bronne hier gegraffiti word...hopelik sal jul erens langs die pad - nie net via e-pos of oproepe saamgesels nie maar hier kommentaar lewer en op die manier saam gesels...]

Dit is Maandag en ons begin met reflekteer en saam praat oor 'n nuwe beweging: ons beweging voor God. Coram Deo - leef voor die aangesig van God - is 'n antieke manier om dit te verwoord. Om dit eenvoudig te probeer verwoord: Hoe sal 'n lewe lyk wat die heeltyd rekening hou met die unieke teenwoordigheid en die unieke karakter van God?

Daar is tog altyd, wanneer ons oor God praat, die gròòt afstand...Nie 'n ruimtelike afstand van ons is hier en God is doer ver nie. 'n Afstand in ons wese - God is God en ons bly mens (al wil ons soms soos die Grieks-Romeinse mense onsself as gode verhef). Dit bring 'n afstand in hoe ons na die lewe kyk, na onsself kyk, na God kyk...Dit bring 'n afstand tussen hoe God optree en hoe ons optree. Soos NP Van Wyk Louw skryf: "U het geskep in sterrehelderte en ons skryf na in stof." Om dus oor God te praat is altyd van sublieme aard en daarom is kuns dalk maar die beste manier om iets oor God te probeer sê want kuns is nooit klaar gepraat nie...

Voorbeeld1: In Jes 55:8-9 praat God met Sy kinders "My gedagtes is nie julle gedagtes nie, en julle optrede nie soos Myne nie, sê die Here; soos die hemel hoër is as die aarde, so is my optrede verhewe bo julle optrede en my gedagtes bo julle gedagtes."

Hier (vgl. 55:7) gaan dit spesifiek oor God se genade wat nooit ophou nie; oor God wat altyd maar weer vergewe en weer oor begin; dat daar geen einde aan Sy liefde is nie...

Spontaan wil my menslike natuur hier sê 'Ja maar...erens moet ons darem reageer...erens gaan God die streep trek...erens hou hierdie oorbegin op...' Tog lyk dit nie so wanneer ek na God se storie met Israel en die dissipels en die kerk kyk nie... Ons vergifnis en stories van oorbegin is altyd begrens deur 'n sekere versadigingspunt...ons vergifnis het meestal 'n stukkie aanmoediging nodig voordat dit werking tree...

Gevaar 1: Ons wil 'n greep op God kry. (ek hoop jy begryp!) Dit is mos wat ons doen: ons bestudeer, evalueer, kry al die feite agtermekaar en ons bemeester 'n vakgebied/tegniek/mens en dan word hierdie kennis/vaardigheid/mens 'n artikel/objek wat ons aanwend om ons vooropgestelde doel/ideaal te bereik. Bemeester en bewonder verskil - selfs al bevat albei 'n element van bestudeer. Bemeester en bewonder het dalk eenvoudig net 'n motief-verskil?!

Gevaar 2: Ons lees tekste oor God, ons praat oor Hom en soek preke om ons 'padkos' of party sal selfs sê 'pitkos' te gee - want ons leef met die gevaar om ons 'siel' te vermaak en om aangeraak te voel. Luther het skerp op sulke kitsgodsdiens gereageer "Indien jy iets soek wat jou laat beter voel moenie die Christelike geloof probeer nie, drink liewer 'n bottel port dit sal die gewensde uitwerking hê." Waar Godsopenbaring gebeur - selfs al is dit oor jare - is dit altyd 'n transformerende/herskeppende beweging wat dikwels met vorminspyn gepaard gaan.

Vervolgens dus 'n paar aanhalings en dalk later vandag 'n kunswerk of twee:

"We live in a time when faith is thin, because our aching for what is above and beyond us has been anaesthetized and our capacity for wonder reduced to clever tricks." - Alan Jones

"We are in a war between dullness and astonishment." - Robert Capon

"Christianity is no longer life changing it is life enhancing." - Michael Yaconelli

"Risk is indispensable to any significant life, nowhere more clearly than in the life of the spirit. "The goal of faith is not to create a set of immutable, rationalized, precisely defined and defendable beliefs to preserve forever. It is to recover a relationship with God." - Dan Taylor

"Man is, and is human, as he performs this act of responsibility,offering himself as the response to the Word of God,and conducting, shaping, and expressing himself as an answer to it.He is, and is man, as he does this." - Karl Barth

Ten slotte 'n lied wat Paulus (Rom 11:33-36) vervlans het onder die invloed van Jes 40:13; Job 15:8, 41:2; Jer 23:18. Ek sukkel steeds om hierdie woorde behoorlik te verstaan:

"O diepte van die rykdom en wysheid en kennis van God!
Hoe ondeurgrondelik is sy oordele, hoe onnaspeurlik sy weë!
"Wie ken die bedoeling van die Here? Wie gee Hom raad?
Wie bewys Hom 'n guns, sodat Hy verplig is om iets terug te doen?"
Uit Hom en deur Hom en tot Hom is alle dinge.
Aan Hom behoort die heerlikheid tot in ewigheid!
Amen."

Mag die misterie jou gryp wanneer jy buig voor die Onbegryplike en mag dit een of ander kreet van verwondering in jou los laat!

Sela!